Da boarisch Grant

I bin da boarisch Grant,
I waar gean andaschd,
wenn i kannt.


Doch woaß i oft ned,
wos i wui,
so Gschichtn schreim,
mit vui zvui Gfui?
Wos traurigs? –
na, des is zum rean.
Do dad i boid vor Kumma schdeam.
Des Versal is ganz gwiß zum lacha,
zum Gschpassn und zum Gaudi macha.
Iatz merk i grod, es is passiert.
Des hob i lang scho nimma gschbiat.
Da boarisch Grant dea hod si gwandlt,
Dea hod si mit da Freid vobandlt.
Iatz frog i mi, soi des so bleim?
Soi i vielleicht no mehra schreim?
I hear eich iatz beim lesn zua,
dann find i gwiß mei boarisch Ruah.

 

 

 

 

 

 

Wir benutzen Cookies

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.