Da boarisch Grant

I bin da boarisch Grant,
I waar gean andaschd,
wenn i kannt.


Doch woaß i oft ned,
wos i wui,
so Gschichtn schreim,
mit vui zvui Gfui?
Wos traurigs? –
na, des is zum rean.
Do dad i boid vor Kumma schdeam.
Des Versal is ganz gwiß zum lacha,
zum Gschpassn und zum Gaudi macha.
Iatz merk i grod, es is passiert.
Des hob i lang scho nimma gschbiat.
Da boarisch Grant dea hod si gwandlt,
Dea hod si mit da Freid vobandlt.
Iatz frog i mi, soi des so bleim?
Soi i vielleicht no mehra schreim?
I hear eich iatz beim lesn zua,
dann find i gwiß mei boarisch Ruah.